വലിയൊരു ഇടവേളയ്ക്കു ശേഷം ബിജു മേനോൻ–മഞ്ജു വാര്യർ ജോഡി വീണ്ടും ഒന്നിക്കുന്ന ലളിതം സുന്ദരം സിനിമയുടെ ഫസ്റ്റ്ലുക്ക് പോസ്റ്റർ റിലീസ് ആയി. ബിജു മേനോന്റെ പിറന്നാളിനോടനുബന്ധിച്ചായിരുന്നു പോസ്റ്റർ റിലീസ്. മഞ്ജു വാര്യരുടെ സഹോദരനും നടനുമായ മധു വാര്യർ ആദ്യമായി സംവിധാനം ചെയ്യുന്ന ആദ്യ ചിത്രമാണ് ലളിതം സുന്ദരം. സെഞ്ച്വറി പിക്ചേഴ്സിന്റെ സഹകരണത്തോടെ മഞ്ജു വാര്യർ പ്രൊഡക്‌ഷൻസ് ആണ് നിര്‍മാണം.
സൈജു കുറുപ്പ്, സുധീഷ്, അനു മോഹന്‍, രഘുനാഥ് പലേരി,വിനോദ് തോമസ്സ്, സറീന വഹാബ്, ദീപ്തി സതി, ആശാ അരവിന്ദ്, അഞ്ജന അപ്പുക്കുട്ടന്‍, മാസ്റ്റര്‍ ആശ്വിന്‍ വാര്യര്‍, ബേബി തെന്നല്‍ അഭിലാഷ്, തുടങ്ങിയവരാണ് മറ്റ് അഭിനേതാക്കൾ. ചിത്രത്തിന്റെ ഛായാഗ്രഹണം പി. സുകുമാർ, ഗൗതം ശങ്കർ എന്നിവർ നിർവഹിക്കുന്നു. പ്രമോദ് മോഹൻ തിരക്കഥ–സംഭാഷണം. ബി.കെ. ഹരിനാരായണൻ എഴുതിയ വരികൾക്ക് ബിജി ബാൽ സംഗീതം പകരുന്നു.
എഡിറ്റര്‍-ലിജോ പോള്‍. എക്സിക്യൂട്ടീവ് പ്രൊഡ്യൂസേഴ്‌സ് ബിനീഷ് ചന്ദ്രൻ, ബിനു ജി, ആർട്ട് എം. ബാവ, കോസ്റ്റ്യൂം – സമീറ സനീഷ്, മേക്കപ്പ് റഷീദ് അഹമ്മദ്, ചീഫ് അസ്സോസിയേറ്റ് ഡയറക്ടർ – വാവ, പ്രൊഡക്‌ഷൻ കണ്ട്രോളർ എ.ഡി. ശ്രീകുമാർ, പിആർഓ – വാഴൂർ ജോസ്, എ.എസ്. ദിനേശ്.
